SENDIM - MIRANDA DO DOURO

23º. ANIVERSÁRIO DA VILA DE SENDIM

Fui hai 23 anhos que Sendin fui eilebada a la catadorie de Bila pula Assemblé de la República. Para comemorar esse ato rializou-se hoije la tradecional fiesta d'anhos.

Cul acumpanhamiento de la fanfarra de ls bumbeiros de Sendin, las pessonas i andebidualidades cumbidadas dirigírun-se a las 18h30 an romarie pula rue de la Ermida, até al semitério, que recebiu obras de melhoramiento. Fui çterrada ua lhápide alusiba, frente a la capielha i de seguida fizo-se ua bejita al semitério para rezar puls sendineses yá falecidos.

Pulas 19h procediu-se a l'apersentaçon de trés obras lhiterárias, ne l Centro de Música Tradecional:

Sendin – Tierra de Miranda Geografie i toponímia de Carlos Ferreira,

Sendin la Tierra i l Home de António Mourinho i

Sendin – Praino Mirandés Balores an Mudança an Finales de l sieclo XX de Ana Isabel Fonso.

Pulas 20h las pessonas, agora acumpanhadas pula banda Filarmónica de Miranda de l Douro, zlocórun-se pa la praça de la Bila adonde decorriu ua sardinada i atuórun bários grupos musicales i ls pauliteiros i pauliteiras de Sendin.

 

 

Foi há 23 anos que Sendim foi elevada à categoria de Vila pela Assembleia da República. Para comemorar esse acto realizou-se hoje a tradicional festa de anos.

Com o acompanhamento da fanfarra dos bombeiros de Sendim, as pessoas e individualidades convidadas dirigiram-se às 18h30 em romaria pela rua da Ermida, até ao semitério, que recebeu obras de melhoramento. Foi desterrada uma lápide alusiva, frente à capela e de seguida fez-se uma visita ao semitério para rezar pelos sendineses já falecidos.

Pelas 19h procedeu-se à apresentação de três obras literárias, no Centro de Música Tradicional:

Sendin – Tierra de Miranda Geografia e toponímia de Carlos Ferreira,

Sendim a Terra e o Homem de António Mourinho e

Sendim – Planalto Mirandês Valores em Mudança em Finais do século XX de Ana Isabel Afonso.

Pelas 20h as pessoas, agora acompanhadas pela Banda Filarmónica de Miranda do Douro, deslocaram-se para a praça da Vila onde decorreu uma sardinhada e actuaram vários grupos musicais e os pauliteiros e pauliteiras de Sendim.