PARADELA ANHOS 70 - LAS ALFORJAS

LAS ALFORJAS

Tiu Lérias chamaba a esta dança de Paradela "Las Alforjas" i que ls antendidos d'hoije cháman "Mirai Q'alforjas".

Mas l mais amportante ye amostrar-bos la grabaçon que fizo Giacometti ne ls anhos setenta i que l Tiu Lérias acumpanhou cun la sue guitarra, que fizo dun lhato.

Para ls que nun la sáben, ende queda la letra!

LAS ALFORJAS

Nós tenemos muitos nabos

a cozer nua panela,

Que miu pai los apanhou

i fazíen perron, pon, pon.

 

Mirai qu'alforjas, mirai qu'alforjas,

uas de lhana, outras mais gordas,

uas de lhino, outras de stopa.

 

Ls chocalhos rúgen, rúgen,

ls carneiros alhá ban,

an chegando a Ourrieta Cuba

ls carneiros bulberan.

Mirai qu'alforjas, mirai qu'alforjas,

uas de lhana, outras mais gordas

uas de lhino, outras de stopa.

PARADELA - O PINGACHO

LAS NUOSSAS TRADIÇONES

LAS NUOSSAS TRADIÇONES

La Páscoa fui siempre un tiempo de tradiçones por tierras de Miranda i cumo muita de la nuossa cultura bai zaparecendo ne l qu'eilha ten de mais puro, bengo apersentar-bos este registro de Michel Giacometti naquel famoso porgrama “Pobo que canta”.

Ye la dança de l Pingacho, dança genuinamente mirandesa, mais propiamente de l'aldé de Paradela, tierra de l grande musiqueiro i cantor tradecional i até custrutor de ls sous strumientos musicales – Tiu Lhérias -.

De notar tamien ls trajes de l rancho de Paradela, las saias i las chambras brancas, ls lhenços, las meias de renda branca i ls çapatos de calfe negro brilhante, tan de moda pulas mirandesas an dies de fiesta! I las calças i ls coletes ne ls homes, mas percipalmente las camisas brancas, que ne l giral éran bordadas i de lhino.

.../...

A Páscoa foi sempre um tempo de tradições por terras de Miranda e como muita da nossa cultura vai desaparecendo no que ela tem de mais puro, venho apresentar-vos este registo de Michel Giacometti naquele famoso programa “Povo que canta”.

É a dança do Pingacho, dança genuinamente mirandesa, mais propriamente da aldeia de Paradela, terra do grande músico e cantor tradicional e até construtor dos seus instrumentos musicais – Tiu Lérias -.

De notar também os trajes do rancho de Paradela, as saias e as blusas brancas, os lenços, as meias de renda branca e os sapatos de calfe preto brilhante, tão de moda pelas mirandesas em dias de festa! E as calças e os coletes nos homens, mas principalmente as camisas brancas, que no geral eram bordadas e de linho.