ALDEIAS ASSALTADAS NO NORDESTE

ASSALTOS VARREM IGREJAS

 

 

Ye mais ua baga d'assaltos a eigreijas ne l Nordeste. Na sumana passada, ls amigos de l'alheno bejitórun ls templos de Pinela, Santa Cumba de Rossas, Riu Friu i l santuairo de Nuossa Senhora de la Rieira, an Quintanilha.

Ls larápios percuran subretodo denheiro i oujetos an ouro, mas an Quintanilha lhebórun tamien ls apareilhos de sonido.

L juiç de la Cunfrarie de Nuossa Senhora de la Rieira diç que la fechadura de la puorta de l'eigreija era resistente, mas mesmo assi ls larápios cunseguírun antrar.

João Carlos Fernandes cunta que quando antrou ne l templo se deparou cun un cenairo de çtruiçon. “Quando fui abrir la puorta ye que bi que staba todo rebentado, la fechadura ne l suolo, ls filos cortados, lhebórun las colunas i las aparelhaiges. Na sacristie stragórun todo.

You até chorei al ber ua tristeza destas”, cunta l juiç de la Cunfrarie.

I nin la senhora de la Rieira scapou als amigos de l'alheno. “Subírun al altar, de la Senhora de la Rieira, i tentórun tirar-le l diadema, mas cumo bírun que nun tenie balor deixórun lo”, acrecenta João Carlos Fernandes.

…/…

É mais uma vaga de assaltos a igrejas no Nordeste. Na semana passada, os amigos do alheio visitaram os templos de Pinela, Santa Comba de Rossas, Rio Frio e o santuário de Nossa Senhora da Ribeira, em Quintanilha.

Os larápios procuram sobretudo dinheiro e objectos em ouro, mas em Quintanilha levaram também os aparelhos de som.

O juiz da Confraria de Nossa Senhora da Ribeira diz que a fechadura da porta da igreja era resistente, mas mesmo assim os larápios conseguiram entrar.

João Carlos Fernandes conta que quando entrou no templo se deparou com um cenário de destruição. “Quando fui abrir a porta é que vi que estava tudo rebentado, a fechadura no chão, os fios cortados, levaram as colunas e as aparelhagens. Na sacristia estragaram tudo.

Eu até chorei ao ver uma tristeza destas”, conta o juiz da Confraria.

E nem a senhora da Ribeira escapou aos amigos do alheio. “Subiram ao altar, à Senhora da Ribeira, e tentaram tirar-lhe o diadema, mas como viram que não tinha valor deixaram-no”, acrescenta João Carlos Fernandes.