Este é um texto do primeiro livro sobre Sendim que dentro de dias podereis ler. Este primeiro livro será sobre os pauliteiros, mas tem no princípio uma pequena resenha histórica de que copiamos este cachico. E vai sair em português e em mirandês.
FEIRA DOS BURROS
La
feira d'anho de Sendin fui criada an 15 de Setembre de 1923 pula Cámara
Municipal de Miranda de l Douro a requerimiento de la Junta de Freguesie desse
tiempo.
Ne l requerimiento, la
Junta de Freguesie pedie “…la criaçon de la feira d'anho para to la spece de
ganado, asenino, muar i cabalar, a rializar ne l die 13 de Outubre de cada anho
i, quando, porbentura, la mensal fur nesse die, terá lugar ne l die catorze
eimediato…
”Por eiqui se deduç que
la feira mensal yá se rializaba die 12, sendo pur esso mais antiga, i
cumo passa al die útele seguinte se fur an Sabado ó Demingo, podie anton
calhar an die 13.
Passou a ser coincida
por “Feira de ls burros”.
La justificaçon de l
pedido ser pa l die 13, ten a ber cula feira de ls Grazes an Mogadouro, pus ne
l requerimiento se referie que “…podendo ls feirantes, quando assi l zeiáren, i
sin trastorno de maior seguir passando deilha pa la feira de ls Grazes que ten
lugar na bila de Mogadouro…” Que cumo se ancontra decumentado, pul menos zde l
sieclo XVIII, tenie lugar ne ls dies 15 i 16 de Outubre…”.
FEIRA DE LS GRAZES
L nome de “FEIRA DE LS GORAZES”, que an mirandês dezíen “Grazes” fui siempre la feira de Mogadouro. Miesmo quando you era garoto siempre oubi dezir que la feira de Sendin era la feira de ls burros, mas bamos a la ourige de l nome “gorazes”:
La chicha marrana, ó goraç, era dada, puls moradores i feirantes, an pagamiento de l'ampuosto anual, al senhoriu de Mogadouro - Santa Casa de la Misericórdia, çpuis de ls Táboras tenéren caído an zgraçia - cujos fiscales, inda an 1768, aparecíen ne ls dies de la feira para fazéren la cobrança an spece. Ye desse questume de cobrança de l'ampuosto an gorax - ó gorazil, "(...) ua spadua de cochino, a saber, to l quarto delantreiro cun duoze cuostas (...)" - que terá benido l nome Feira de ls Gorazes!
Sem comentários:
Enviar um comentário